ਅਮਰੀਕੀ ਨਿਆਂ ਮੰਤਰਾਲੇ ਮੁਤਾਬਕ ਟਰੰਪ ਦੇ ਨਿੱਜੀ ਵਕੀਲ ਮਾਇਰਲ ਕੋਹੇਨ ਨੂੰ ਇਨ੍ਹਾਂ ਦਿਨੀਂ ਅਪਰਾਧਿਕ ਜਾਂਚ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇਸ ਨੂੰ ਲੈ ਕੇ ਰਾਸ਼ਟਰਪਤੀ ਦੇ ਸਲਾਹਕਾਰਾਂ ਦਾ ਮੰਨਣਾ ਹੈ ਕਿ ਉਨ੍ਹਾਂ ਦੇ ਨਿੱਜੀ ਵਕੀਲ ‘ਤੇ ਲੱਗੇ ਭ੍ਰਿਸ਼ਟਾਚਾਰ ਦੇ ਕਈ ਦੋਸ਼ਾਂ ਦੀ ਕੀਤੀ ਗਈ ਜਾਂਚ ਡੋਨਾਲਡ ਟਰੰਪ ਲਈ ਜ਼ਿਆਦਾ ਵੱਡਾ ਖਤਰਾ ਸਾਬਤ ਹੋ ਸਕਦੀ ਹੈ।
ਇਹ ਅਮਰੀਕੀ ਚੋਣਾਂ ‘ਚ ਰੂਸੀ ਦਖਲਅੰਦਾਜ਼ੀ ਦੀ ਜਾਂਚ ਕਰਨ ਵਾਲੇ ਵਿਸ਼ੇਸ਼ ਵਕੀਲ ਰਾਬਰਟ ਮੁਲਕ ਤੋਂ ਵੱਡਾ ਖਤਰਾ ਬਣ ਗਿਆ ਹੈ, ਕਿਉਂਕਿ ਇਸ ਨਾਲ ਟਰੰਪ ਦੀ ਨਿੱਜੀ ਜਾਣਕਾਰੀਆਂ ਜਨਤਕ ਹੋ ਸਕਦੀਆਂ ਹਨ। ਟਰੰਪ ਦੇ ਨਿੱਜੀ ਵਕੀਲ ਮਾਇਲ ਕੋਹੇਨ ਦੀ ਨਿਊਯਾਰਕ ਅਦਾਲਤ ‘ਚ ਪੇਸ਼ੀ ਦੇ ਦੌਰਾਨ ਇਸ ਹਫਤੇ ਉਨ੍ਹਾਂ ਦੇ ਦਫਤਰ ‘ਚੋਂ ਜ਼ਬਤ ਫਾਈਲਾਂ ਨੂੰ ਪੱੜਣ ਤੋਂ ਰੋਕਣ ਦੀ ਕੋਸ਼ਿਸ਼ ਕੀਤੀ ਗਈ।
ਪੋਰਨ ਸਟਾਰ ਸਟਾਰਮੀ ਡੇਨੀਅਲਸ ਦੇ ਦੋਸ਼ਾਂ ‘ਤੇ ਕੋਹੇਨ ਦੇ ਦਫਤਰ ‘ਚੋਂ ਐੱਫ. ਬੀ. ਆਈ. ਵੱਲੋਂ ਜ਼ਬਤ ਫਾਈਲਾਂ ਨੂੰ ਲੈ ਕੇ ਟਰੰਪ ਨੇ ਨਾਰਾਜ਼ਗੀ ਵੀ ਜਤਾਈ ਸੀ। ਪਰ ਸ਼ਨੀਵਾਰ ਨੂੰ ਕੋਰਟ ਰੂਮ ‘ਚ ਫਾਈਲਾਂ ਨੂੰ ਪੱੜਣ ਦੇ ਦੌਰਾਨ ਜਿਹੜਾ ਡਰਾਮਾ ਹੋਇਆ ਉਸ ‘ਚ ਟਰੰਪ ਨੇ ਖੁਦ ਨੂੰ ਕਿਸੇ ਵੀ ਪ੍ਰਤੀਕਿਰਿਆ ਤੋਂ ਅਲਗ ਕਰ ਲਿਆ। ਫਾਈਲਾਂ ਨੂੰ ਪੱੜੇ ਜਾਣ ‘ਤੇ ਕੋਹੇਨ ਦੇ ਵਕੀਲਾਂ ਨੇ ਅਦਾਲਤ ਤੋਂ ਇਕ ਅਸਥਾਈ ਰੋਕ ਦਾ ਆਦੇਸ਼ ਦੇਣ ਲਈ ਕਿਹਾ, ਜਦਕਿ ਕੋਹੇਨ ਖੁਦ ਅਦਾਲਤ ‘ਚ ਪੇਸ਼  ਨਹੀਂ ਹੋਏ।
ਇਸ ਦੌਰਾਨ ਚੋਣ ਪ੍ਰਚਾਰ ਤੋਂ ਲੈ ਕੇ ਟਰੰਪ ਨੂੰ ਕਈ ਸਕੈਂਡਲਾਂ ‘ਚ ਬਚਾਉਣ ਅਤੇ ਔਰਤਾਂ ਨਾਲ ਰਿਸ਼ਤਿਆਂ ਆਦਿ ਦੇ ਬਾਰੇ ‘ਚ ਵੀ ਦਸਤਾਵੇਜ਼ਾਂ ‘ਚ ਕਈ ਜਾਣਕਾਰੀਆਂ ਮੌਜੂਦ ਹਨ। ਇਸ ਲਈ ਛਾਪਿਆਂ ਤੋਂ ਬਾਅਦ ਟੰਰਪ ਵੀ ਅਸਹਿਜ ਹਨ, ਕਿਉਂਕਿ ਇਨ੍ਹਾਂ ਦਸਤਾਵੇਜ਼ਾਂ ‘ਚ ਟਰੰਪ ਦੇ ਬਾਰੇ ‘ਚ ਕਈ ਨਿੱਜੀ ਜਾਣਕਾਰੀਆਂ ਦੇ ਜਨਤਕ ਹੋਣ ਨਾਲ ਟਰੰਪ ਪਰੇਸ਼ਾਨੀ ‘ਚ ਪੈ ਸਕਦੇ ਹਨ।

LEAVE A REPLY